لبدالة سلات و لمطالق قربات لمعلفة تغسلات و بالميلونج سبور عمرات الشرابة تحطات جديدة خالية من الميكروبات الحيحة على الدوا نايضة ولمخاطفة على الفيتامينات الدكورا فالوكورا تعزلات و النتاوي فلبيرشورات حايلات لونتريما بدات و البانية مولات مترو على خمسين تحركات * * * * * * * * لماليع هضرت ودوات وفلقهاوي لخبار داعت و تنشرات كل واحد عاجبو حمامو يفتاخر بيه كيف لوقت بغات واحد يقول لعام عامي وجائزتي الاول فالداخلة بالدات و لأخر يضحك عليه من التحت و يقول بكري عليك لجمعية عولات ياك حمامك توضر كامل لعام لي فات و ساليتي فطانطنات * * * * * * * * واحد يقول حمامي كتير و غادي نلعب بجميع التيقنيات صحاب التهراس موجودين ومقابلين عالحضيات يقولوا حمامو كتير بلى فايدة كون ربا ليه عا شي قنيات ناس أخرين شادين عالبروكرام ويقلبو فيه عل الزلات هاد المطلق فاشل و هاد التاريخ ديما فيه الموفيطات دخلو فعلم الغيب وبلى ما يحسوا خلقو اكبر المشكلات * * * * * * * * واحد مقربلها علاش مكترتوش من سباق المسافات انا جبت حمام كي عرف عالطريق ومن أحسن السلالات ياودي هنينا هاحنا غادي نبداو ونشوفو هاد لبسالات ونتا يالي ضاربها بسقلة وداير فيها بعيد على المعضلات شاري لحمام بالتمان و الجمعية قاتلها بالكريديات منين يقولو ليك خلص قول ليهم تسالو بحال جميع الجمعيات مسكين معول على حمامو يخلص عليه منين يربح لبريات * * * * * * * * ء إوا هالمطالق بداو و سيرو خرجو على حمامكم بالتفهات ولصقوها تاني فالدوا وقولو راه كان بيريمي و منتاهي الصلاحيات ولا مسحوها فالمكتب المسيير و الكونفوايورات الحاصول ومافيه الماليع هو تافقو على كلمة وحدة بالدات وباركا من التمشغيل و فعايل الزيزوارات هاد العام بغينا كلشي زين و كترت الإفهاد الهواية التخربيق ولخناشي ديال السلبيات
الإنتساب : 
العمر : 
المساهمات : 
نقاط التميز
الــدولـــة
عنوان المشاركة: omar kandri لبدالة سلات و لمطالق قربات
ماكاين لا دريات لا والو هههههه
