السلام عليكم أرجوا من ذوي الخبرة مساعدتي

الغذاء يخلط مع الماء الدافئ حتى يصبح من السهل أن تضع في المحاقن دون سيلان. ويمكن استخدام 5 سم أو 30 سم اعتمادا على حجم الصغير
ويباع في الأماكن المخصصة لتربية الطيور او الصيدليات البيطرية والتي تهتم بذلك على ان البعض يستخدم السيرلاك كغذاء لصغار الطيور عند الحاجة او بالأمكان استخدام الخضروات المسلوقة بالأضافة الى البيض المسلوق وتضرب بالخلاط حتى تصبح ذوقوام متوسط ومناسب للصغير

اولا يباله اهتمام كبير اذا كنت تبا تدربه يغني يرقص يغرب يتعلم كلمات يطلع من القفص تحطه على جتفك من دون مايطير ويلعب بأذنك خخخ


يباله اهتمام كبير ولازم تتعب عليه

بخصوص القفص لاتخلي القفص يكون كبير وايد ، الحجم الوسط هو مناسب

يفضل يكون المتوه بعده صغير او بعده مرحلة الشباب خخخ يعني مايكون واايد كبير

خله في مكان هادي فترة ، حطه على ارضيه ثابته غير متحركه

وبعدين القفص لااااااازم يكون نظيف بشكل دائم يعني لازم يوميا تبدل ارضية القفص ، حط جريده للأرضيه وبدلها بشكل يومي
الماي لازم يكون نضيف على طوول

بدله مرتين باليوم

بخصوص الاكل ، اذا بتعطيه فواكه عطه الفاكهه من خارج القفص ، يعني المتوه وهو بالقفص دخله قطع صغيره من الفاكه من خلال القفص

حاول تقطع الفاكهه قطع صغيره انه الطير يقدر يمسكه وياكله

تقديم الطعام هذا اهم من تقديم الطعام

خلك هادي وبكل هدوء وقدم ايدك قرب القفص ودخل الاكل او الشرب
اذا كان الطير عصبي او حساس او متوحش
لاتنظر بعين الطير وانت تقدم له الاكل ، يعني شوف صدره او ريله او الاكل
اذا كان الطير متوحش ، وانت تدخل الاكل او الشرب او الماي ممكن يعضك ، خل ايدك وخله يعض ، بيعض مره ومرتين وثلاث وبعدين لااا ماراح يعض بالعكس راح يتعلم مايعض ولايخاف منك ، اذا عضك لاتخرج ايدك او تحرك ايدك من القفص خلها مكانها خله يعض ويخلص وروحه بيهد ايدك كمل حط الاكل او الشرب وبعدين اسحب ايدك شوي شوي !

خله يتعود عليك انت وبس يعني انت بس اللي تعطيه الاكل

الله يجزيك الخير يا أخ سامي بس مشكلته للحين الخوف وانا الان قمت يعزله حتى لا يرى غيري وان شاء الله خير